top of page
Skráningin þín er klár.
Velkomin/n í ferðalagið!
Hér eru leiðbeiningar fyrir þig til þess að vera tilbúin/n í öndunartíma, hvort sem hann er á staðnum eða í gegnum ZOOM.
Öndunartími í sal
Best er að vera í þægilegum fatnaði sem veitir þér hlýju. Þú færð búnað á staðnum sem eru dýna, heyrnatól og púði undir höfuð. Sumir vilja koma með sína eigin dýnu og púða, jafnvel teppi og augngrýmu og við mælum hiklaust með því. Þá er einnig gott að vera með vatnsbrúsa með sér.
Í sumum ferðalögum er mælt með að gefa frá sér gott hljóð í útöndun á sérstökum tímapunktum og þess vegna er gott að hafa lítinn púða með sér sem hægt er að setja yfir munninn á meðan. Við bendum á að það er mikilvægt að mæta aðeins fyrir tímann.
Við hlökkum til að sjá þig.
Öndunartími í Zoom tíma
Þú færð hlekk sendan á vefpóstinn (e-mail) sem þú gafst upp við bókun. Pósturinn inniheldur hlekk á námskeiðið. Þú mætir í tímann með því að smella á hlekinn og getur verið í síma, spjaldtölvu eða tölvu og mikilvægt að vera með heyrnatól til þess að fá fulla upplifun af ferðalaginu.
Best er að vera í þægilegum fatnaði sem veitir þér hlýju. Það er mikilvægt að velja góðan stað til að liggja, hvort sem það er á dýnu á gólfi, í sófa eða rúmi og tryggja næði á meðan á öndun stendur. Það er hægt að sitja í hægindastól sem hægt er að halla bakinu. Þú notar þín eigin heyrnatól. Gott er að hafa púða undir höfuð og jafnvel undir fætur/hnésbót til að lyfta hnjám aðeins upp. Það getur verið gott að hafa teppi mörgum finnst betra að nota augngrýmu og við mælum hiklaust með því. Þá er einnig gott að vera með vatn til að drekka eftir öndunina.
Í sumum ferðalögum er mælt með að gefa frá sér gott hljóð í útöndun á sérstökum tímapunktum og þess vegna er gott að hafa lítinn púða með sér sem hægt er að setja yfir munninn á meðan.
Ert þú að kljást við alvarleg veikindi eða nýlega komin/nn úr aðgerð?
Kíktu hér til að sjá hvaða atriði er gott að hafa í huga hvað það varðar.
bottom of page